Аннотация:Məqalə, energetika sistemində elektrik enerjisi təchizatında yaranan fasilələrin və enerji keyfiyyətinin korlanması nəticəsində xalq təsərrüfatına dəyən zərərin araşdırılmasının hüquqi normativ sənədlərdə əks olunma səviyyəsi və vurulmuş zərərin hesablanma metodikasının tədqiqi məsələlərinə həsr olunmuşdur. Araşdırma nəticəsində belə bir qənaətə gəlinir ki, elektrik enerjisi təchizatında yaranan fasilələrin xalq təsərrüfatına, onun tərkib hissəsi kimi energetika sisteminə, cəmiyyətə və ekologiyaya vurduğu zərərin hüquqi cəhətdən və kəmiyyətcə qiymətləndirilməsində müəyyən boşluqlar var. Bu problemlərin həlli ilə əlaqədar, hüquqi normativ sənədlərdə bəzi qeyri müəyyənliyin olması, bu sahə nəzarət edəcək yeni yaradılmış icra orqanının səlahiyyət və vəzifələrində natamamlıq olduğu açıqlanır. Məqalədə göstərilir ki, enerji təchizatının etibarlığının kəmiyyət göstəricilərinin, xüsusən etibarlıq indeksi səviyyəsinin artırılması elektroenergetika sistemində qarşıya qoyulan əsas və vacib məsələlərdən biri olmalıdır. Elektroenergetikada elektrik enerjisi təchizatının etibarlığının artırılması üçün müvafiq texniki və təşkilati tədbirlərin həllinə müəyyən həcmdə investisiyalar tələb edilsə də, enerji təchizatında fasilələrin cəmiyyətə, xalq təsərrüfatına və ekologiyaya vurduğu ziyanla müqayisə oluna bilməz. Bu poblemin həlli ilə əlaqələr, energetike sistemində vacib olan investisiya yönümlü konkret tədbirlərin həyata keçirilməsi məqalədə öz əksini tapır. Elektrik enerjisi təchizatında yaranan fasilələrin və enerji keyfiyyətinin korlanması nəticəsində xalq təsərrüfatına dəyən zərərin araşdırılması məqalədə elmi analitik rakursda təqdim olunur. Açar sözlər: elektroenergetika, iqtisadi zərər, enerji təchizatında fasilələr, etibarlıq indeksi, statik dayanıqlıq.
